Autor: Christian Schmutz, Oorespitzer
Patrick niest und hustet: Lisi, bring mier hüt lieber as Hagebutte- Theeli.
Michel: As waarms Pastis wee emù o nit schlächt.
Franz: Was heschù ùberhoupt, Pädù?
Michel: Epa a de linggi Zeeja Buuchwee.
Patrick: I wiis doch o nit. I ha ki Tokter mee gfùne, fùr mi z ùndersueche.
Hugo: Jaa dùù. As geebi baud kiner Tökter mee ùf ùm Lann.
Franz: Augemiinpraktiker – das sygi haut z weenig attraktiv.
Michel: De Gölä isch o z weenig attraktiv ù glyych schafft ers, a Huuffe CDs z verchùùffe.
Hugo: As git Minischterie ùf der Wäut, di verstaan i niit.
Michel: Dù minsch Myschterie.
Hugo: A jaa, Minischterie sy ja Mässdiener.
Franz: Härggott, Pädù. Dù hesch doch a Flick fort. Wier müesse dier so flingg wy möglich gan a Tokter sueche!
Patrick: Aso iina, wy de Sämi Schmiid het: Dä blüetet ùs de Naasa ù schaffts glyych no, ùs Bùndesraat zrùggzträtte.
Franz: De Blocher isch o scho politisch tot gsyy ù chùnt glyych ùmmi.
Michel: Oder de Feederer: Dä chotzet a Rùndi ù giit näy glyych ga gwine. Merci Tokter!
Hugo: Aber scho bim Matsch drùf het es nüme glängt.
Franz: Dem Fau no besser: Dù bruuchsch a Kuur!
Michel: Jaa, a Wellness-Kuur im Schwarzsee.
Hugo: Oder giisch de im nüe Schwümmbaad z Frybùrg ga bädle – Metau ù Chemikaalie inklusyyv.
Franz: Neei. Bis daas aus fertig isch, da bruuche wier ali scho lang ki Tokter mee.
